Langabezia behera doa, baina gero eta gehiago dira soldata edo lan baldintza duinagoak nahi lituzketen herritarrak; horietako askok, gainera, ezintasunak dituzte Lehiberri bezalako zentroetara haien egunerokoan jotzeko.
Horretarako sortu dute, enplegu sailean, Lan online proiektua: Gipuzkoako Foru Aldundiari aurkeztu, eta haien onarpena jasota martxan da dagoeneko. Finean, aholkularitza zerbitzua eskainiko dute, Whatsapp bidez. Leire Otaegik eman ditu xehetasunak, ATARIA irratian.