Haztegi hauen helburu nagusienak enpresa berrien sorrera eta kokapena erraztea dira, lanpostu berrien sorrera, azpiegitura fisiko baten eskaintza, eta, azken finean, enpresaren lehiakortasun aukerak handiagotzea dira.
Haztegi bakoitza bi lanposturako egokitutako bulego bat da. Horrez gain, haztegietako erabiltzaileentzat eskuragarri daude bi bilera-gela, bezero, hornitzaile zein kolaboratzaile desberdinekin lan bilerak egiteko. Halaber, haztegi bakoitzak sarbide independentea eta pertsonalizatua dauka eguneko 24 ordutan, norbanako txartel magnetiko bitartez.
Era berean, alokairu hitzarmenak ondoko zutabean zerrendatutako zerbitzuak ahalbideratzen dizkio dohainik pertsona ekintzaileari.
Hiru urtez egoteko aukera
Ekintzaile berriek haztegi hauen erabileragatik ordaintzen duten alokairua hobaritua da (100 euro/hilean) eta bertan hiru urtez egon daitezke gehienez, kontratua urtez urte berriztatzen delarik.
Enpresa edota jarduera ekonomiko bat sortzear bazaude, edota azkeneko 12 hilabeteetan sortu baduzu, jarri harremanetan TOLOSALDEA GARATZEN-ekin (zubeldia@tolosaldea.eus), haztegietan kokatzeko dagoen aukera ezagutzeko.
Lehiberri zentroko enpresa haztegiak, hazten
2018ko mar. 23a, 10:19
Lehiberri zentroak ekintzaile berrien esku jartzen ditu hamar haztegi beraien enpresa egitasmoak kokatzeko. Haztegi hauek oinarrizko baliabide material eta zerbitzu komunez hornituta daude, ekintzaile berrien egitasmoak bertan kokatu ahal izateko hasierako hiru urteetan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!