Uda garaian bere gozotasun eta freskotasunarekin konkistatzen gaituen tomateak, urte guztian saltsa moduan beste edozein produktu laguntzen duen bitartean, garai honetan bere gordintasunean aurkezten digute gure jatetxe eta taberna gehienek. Produktuaren garairik onenean, bere zaporea eta ezaugarriak estaliko dituen prestaketa handirik gabe. Ezkontza finak, bata bestearen zaporeak errespetatzen dituztenak. Tipula, piper berdea, atuna, mozzarela, antxoa, olagarroa, arrautza edo hegaluzearekin. Bada hala ere, tomate errea jateko aukera bat ere.
UZTAILA
1. BETI-ALAI (Tolosa) Tomate entsalada.
2. BOTARRI (Tolosa) Tomate carpaccioa eta testurak.
3. DENAK (Tolosa) Betiko tomatea olio eta baratzuriarekin.
4. IKATZA (Tolosa) Tolosako tomatea, tipula, piper berde, atun eta trufa olioarekin.
5. IRIARTE (Berrobi) Tomate errea mozzarela eta antxoekin, salmorejo gainean.
6. LARRAITZ-GAIN (Abaltzisketa) Tomate eta tipula entsalada.
7. ORBELA (Tolosa) Tomatea antxoa, olagarro eta ozpin-olioarekin.
8. PATXINE (Asteasu) Patxine entsalada.
9. PLAZA ETXEBERRI (Zizurkil) Tomate entsalada hegaluze eskabetxatuarekin.
10. ROUTE 33 (Alegia) Tomate entsalada.
Uztailean, tomatea izango da protagonista
2017ko uzt. 7a, 14:43
Tolosa Gourmeteko hainbat jatetxe eta pintxo tabernek bertako eta garaiko produktuak balioan jartzeko asmoz Sukaldeko gure kuttunak ekimena jarri dute martxan. Hala, urteko hilabete bakoitzari produktu bat lotu diote eta hori oinarri hartuta, bakoitzak errezeta bat prestatu. Hilabete honetan gure baratzetako produktu kuttunenetako bat, tomatea.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!