Hala, urteko hilabete bakoitzari produktu bat lotu diote eta hori oinarri hartuta, bakoitzak errezeta bat prestatu. Hilabete honetan perla berdea aurkeztuko digute gure jatetxeen prestaketetan.
Ilarra, urte sasoi honetan errege bihurtzen dena denbora gutxirako. Baratzeko perla berdea, geroz eta txikiagoa, geroz eta gehiago maitatzen dena. Urdaiazpikoa da gehienetan laguntzailerik aukeratuena, baina arrautza ere lagun du askotan, malko ilarra izan daiteke, edo ilar handixeagoa, galeperra edo foie-arekin lagundua ere aurkeztu digute edo patatekin, betiko modura. Gure platera berdez beteko diguten bederatzi aukera ezberdin.
EKAINA
1. BOTARRI (Tolosa) Barazki salteatua malko ilar eta urdaiazpiko kurruskariarekin.
2. DENAK (Tolosa) Ilarrak urdaiazpikoarekin eta tipularekin
3. IKATZA (Tolosa) Ilarren salteatua baratxuri, urdaiazpiko eta galeperraren arrautzarekin.
4. IRIARTE (Berrobi) Malko ilarra 60ºtara eginiko arrautzarekin.
5. LARRAITZ-GAIN (Abaltzisketa)
Ilarrak patatekin.
6. ORBELA (Tolosa) Ilarrak urdaiazpikoarekin.
7. PATXINE (Asteasu) Ilarrak urdaiazpiko eta arrautzarekin.
8. PLAZA ETXEBERRI (Zizurkil) Garaiko ilarrak foierekin.
9. ROUTE 33 (Alegia) Ilarrak arrautza eskalfatuarekin.
Ilarra izango da protagonista Tolosa Gourmeteko jatetxe eta pintxo tabernetan, ekainean
Tolosa Gourmeteko hainbat jatetxe eta pintxo tabernek bertako eta garaiko produktuak balioan jartzeko asmoz 'Sukaldeko gure kuttunak' ekimena jarria dute martxan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!