2016-2021 aldian gazteentzako enplegua sortzea du helburu eta horretarako, langabezia-egoeran dauden 20 urtetik 35 urtera bitarteko gazte kualifikatuei (unibertsitateko edo LHko goi-mailako zikloko titulazioa) formazioa eskaintzen die.
Lehen edizioaren ostean, dagoeneko bigarrena ere prest da eta hil honen amaieran martxan jartzea aurreikusten da. Hala ere, interesa duten gazteek oraindik ere eman dezakete izena. Hazilanek metodologia berritzailea proposatzen du, ibilbide pertsonalizatu batean oinarritua, eta parte-hartzaileen ezaugarri pertsonaletara eta enpresek eskatutako proiektu profesionaletara egokitua. Programa bi fasetan banatzen da. Lehendabizikoak hilabete inguruko iraupena du eta bertan ikasleen gaitasun pertsonala lantzen dira. Bigarrenean berriz, ikaslearen profilaren arabera, ezagutza tekniko desberdinen inguruko ikastaroak proposatzen dira eta ondoren, horiek oinarri hartuta, eskualdeko enpresetan praktikak egin edota proiektuak garatzeko aukera.
Horrenbestez, animatu langabezian dauden gazteak programan parte hartzera, baita enpresak ere, beraien aletxoa jartzera. Horretarako interesa duten enpresa edo gazte guztiek www.tolosaldeagaratzen.eus webgunean lor dezakete nahi duten informazio guztia, baita www.hazilan.eus-en ere. Edota telefonoz deituta 943 65 45 01 telefono zenbakira.
Hazilan Tolosaldea Garatzenek Garapenen bitartez eta Eusko Jaurlaritzarekin nahiz Europako Gizarte Funtsarekin elkarlanean martxan jarritako laneratze-proiektua da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!