MSM laguntzak 2016: Saltokien erreforma eta modernizazioa

Beharrezkoa da merkatal establezimenduak laguntza eskaera egiteko unean, gutxienez urtebetez merkatal jarduera bera (nahiz eta beste lokal batean izan) egiten egon izana.

Diruz lagundutako inbertsioak:

1. Lokalaren erreforma eta modernizazioa, merkataritza-jarduera garatzeko beharrezkoak diren altzariak, ekipamenduak, eta kanpoko nahiz barneko elementuak (merkataritza-errotuluak barne).

Inbertsioa gutxienez 3.000 € (+ BEZ) izango da enpresako. Eta laguntza: inbertsio onargarriaren %15 (BEZ gabe).

2. Merkantzientzako balantza elektronikoak, informatika-ekipoak, aplikazioak eta hauen osagarriak, beti ere merkataritza-prozesuen barnean integraturik badaude edo enpresakudeaketarako badira.

Inbertsioa gutxienez 900 € (+ BEZ) izango da enpresako. Eta laguntza: inbertsio onargarriaren %20 (BEZ gabe).

Bietan, puntu gehigarriak lortu daitezke; hala ere, diru-laguntzaren gehieneko zenbatekoak ez du 12.000 euro ezta inbertsio onargarriaren %25 gaindituko saltoki eta urte bakoitzeko.

Ehuneko gehigarriak:

· Dendarien Elkarte batekoa izateagatik %5.

· UNE 175001 kalitatezko ziurtagiria edukitzeagatik edo «Saltokitik Enpresara» ikastaroa egin izanagatik %2.

· Kudeaketa software batean inbertitzeagatik %5.

· Merkataritzarekin erlazionaturiko titulu edo profesionaltasun ziurtagiriak edukitzeagatik % 5.

· Emakume eta Gizonen arteko Aukera Berdintasunean Erakunde Kolaboratzaile izatearen errekonozimendua izateagatik %2.

· Erakunde publiko edo pribatuek bideraturiko enpresa transmisiorako programaren batean parte hartu izanagatik (adibidez, Berriz Enpresa) %5.

Hau laburpen bat da, eta informazio gehiago nahi izanez gero edo eskaera egiteko: Mirari Arriola Irizar, 943654501 (ext. 5), 620147944 edo aduriz@tolosaldea.eus