Bideoa Tolosaldea Garatzeneko Turismo Sailak koordinatua izan da eta Tolosaldearen bereizgarri diren produktu eta jakiak ageri dira. Baita, honekin lotuta bisitariek bizi ditzaketen esperientziak ere, hala nola, teilak eta zigarrotxoak egiteko tailerra, babarrunaren ekoizpen prozesua bertatik bertara ezagutzeko bisita, Tolosako azoka ikusteko bisita gidatua...
Garapen agentziak azaldu duenez, bideoaren lehen zatian irudiak kamera geldoan grabatuak izan dira, horrekin, "hemen Tolosaldean, produktuei landatu, ekoiztu, nahiz sukaldatzeko garaian eskaintzen zaien denbora, maitasuna eta goxotasuna islatu" nahi izan dute. Izan ere, produktuaren azken emaitza ez ezik "prozesua bera ere balioan jarri" nahi izan dute bideoarekin.
Bideo hau martxoaren 24tik 27ra Bilbon ospatuko den Basque Fest jaialdian aurkeztuko dute, eta sare sozialetatik zabalduko dute.