Tolosa Gourmet, Tolosaldeko Turismo Enogastronomikoaren Klubak Urruzola Txakolindegian egin du urteko Batzarra

Bertan, sinergiak bultzatu nahi izan ziren, eta horretarako aurrekoetan egin bezala, klubeko kide baten egoitzan egin zen hitzordua. Honela, batetik, batak bestea ezagutu eta turistei gomendioak emateko ezagutza eskaintzen zaie kideei eta bestetik, eskualdeko bertako produktuak taberna, jatetxe eta dendetan ere presentzia izatea sustatzen da.

Tolosaldeko turismo gastronomikoaren baliabide, sektore, produktu eta zerbitzu guztiak parte hartzea lortu nahi da, esperientzia berriak sortuz eta eskaera-segmentu berriak sortzeko ahalmena indartuz, egonaldiak luzatzea, urtaro zehatz batzuetara ez mugatzea eta fluxuak eskualde osoan zehar banatzea.

2012an sortu zen Tolosa Gourmet kluba aurrez aipatutako helburu horiekin eta pixkanaka fruituak ematen ari da. Baliabide, sektore, produktu eta zerbitzu desberdinak biltzea lortu du, baita esperientzia berriak sortzea ere edota eskaera-segmentu berriak sortzea, fluxuak eskualde osoan zehar banatuz.

Tolosa Gourmet Kluba 42 establezimendu biltzen dituzten 38 kide pribatuk osatzen dute, hauek sektore ezberdinetakoak dira eta eskualdeko hainbat herritakoak. Tolosaldea Garatzeneko turismo sailetik kudeatzen da kluba eta eragile publikoen artean Tolomendik, Landa Garapen Elkarteak eta Tolosako Udalak ere parte-hartzen dute.