Udal kudeaketaren berrikuntzaren inguruan duen lan-ildoari jarraiki, Tolosaldea Garatzenek udal ordezkari politiko berriei zuzendutako jardunaldia antolatu zuen pasa den ostegunean Lehiberri zentroan.
Udal administrazioaren egituraketa eta prozedurak batetik eta udalei eragiten dien legedia orokorrari errepasoa bestetik, udal ordezkari berriak kokatzeko baliogarria izan zen saioa. Horretarako, Ekain kabinete juridikoko ordezkariak izan ziren hizlari, Juan Landa eta Unai Errea.
Bestalde, Tolosaldea Garatzen garapen agentziak eskualdeko garapen sozio-ekonomikoaren inguruan duen papera azaldu zuen Joxe Luis Urdangarin Tolosaldea Garatzeneko gerenteak.