Global Training 2015 proiektuaren bidez, 60 beka emango dira atzerrian ordaindutako praktikak egiteko. Eusko Jaurlaritzak sustatutako programa bat da Global Training, erakunde ezberdinekin elkarlanean, besteak beste Garapenekin, Euskal Garapen Agentzien Elkartearekin. Elkarteko kidea da Tolosaldea Garatzen.
Nazioarteko mugikortasun programa horrek 30 urte baino gutxiago duten gazteei eta unibertsitate edo goi-mailako lanbide heziketa egina dutenei aukera ematen die atzerriko enpresa eta erakundeetan ordaindutako zortzi hilabeteko praktikak egiteko, euren ikasketekin zerikusia duten sektoreetan.
Hilero 1.124,77 euro gordin ematen dira bekaren bitartez. Ondorengo herrialdeetan egin daitezke praktikak: Bolivia, El Salvador, Panama, Kolonbia, Erresuma Batua, Frantzia, Ekuador, Mexiko, Italia, Alemania, Brasil, Irlanda, India, EEBB, Txina, Herbehereak, Suedia, Danimarka, Txekiar Errepublika, Australia, Zeelanda Berria, Belgika, Uruguay, Txile, Brusela, Argentina, Malta eta Austria. Izena emateko epea hilaren 27an amaitzen da. Informazio gehiago nahi duenak Lehiberriko talde teknikoarekin jar daiteke harremanetan 943654501 zenbakian edo lehiberri@lehiberri.net helbidean.
30 urte baino gutxiago dutenei zuzendutako bekak dira, zortzi hilabeteko iraupenarekin.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!