Tolosaldea Garatzeneko Jon Zubeldia ekintzailetasun teknikariak hitz egin du gaur Ataria Irratiko Pasahitza saioan. Zubeldiaren arabera, 200 ideia edo proiektu proposamen baino gehiago jaso zituzten pasa den urtean, eta horietatik 30ek egin zuten aurrera. Datu hau "oso positibotzat" jo du Tolosaldea Garatzenek.
Sektoreei dagokienean, gehienak merkataritza txikiari, norbanakoei edo enpresei zuzendutako zerbitzuak eskaintzen dizkieten enpresak dira: arropa dendak, aseguruak, ikasketa akademiak, eraikuntza, iturgintza, pintura, instalazioak, online salmentak, ile-apaindegiak...