Gipuzkoa Encounter edukiz josia dator oraingo honetan ere, sari garrantzitsuak, lehiaketak, animazioak eta abarrekin. Eta aurten, iaz hasitako bideari jarraituz Lehiberri zentroak eta Tolosaldea Garatzenek ekimenean parte hartuko dute. Izan ere, Lehiberrik eskualdeko enpresetan berrikuntza nahiz garapena sustatzea ditu helburu, tartean, teknologia berriak txertatzen joatea nola ez. Hori dela eta, aurten Gipuzkoa Encounter eta Lehiberriren artean lehen urrats bat eman da elkarlanerako.
Jaialdiaren baitan, hainbat ikastaro eta tailer antolatzen dira Usabalen bertan, aurten gainera Opengunea izango da estreinakoz parte-hartzaileentzat nahiz kanpotik datozenentzat. Eta oraingoan, saio horiek Lehiberrik sustatuak izango dira.
HITZALDIAK
Martxoak 13, ostirala
17:00etan Hardware gunean 3Dko inprimaketa, oinarrizko kontzeptuak eta merkatuan dauden modeloak.
17:00etan Hitzaldi Gunean: Pribatutasunaren balioa aro digital berrian. Non dago muga?
18:00etan Hitzaldi Gunea: PuntuEUS domeinua: web migraziorako gako nagusiak.
Martxoak 14, larunbata
10:00etan Hardware Gunean Arduino lantegia – Haririk gabekoak.
18:00etan Hitzaldi Gunean: Telefono mugikorrek eta tabletek musika sortzeko ematen dituzten aukerak.
Oraindik ere izena emateko epea zabalik dago, beraz interesa duen orok Usabal kiroldegira hurbiltzea besterik ez du, ziur zerbait berria ikasiko duela eta.