Hala, %50eko hobaria izango dute aholkularitza-zerbitzu guztietan enpresa martxan jartzeko eta sendotzeko, hura sortu ondorengo lehen urte osoan. Horrez gain, %25eko hobaria eskainiko diete ekintzaileei aholkularitza-zerbitzu guztietan enpresa sendotzeko, hura sortu ondorengo bigarren urte osoan. Eta azkenik, prestakuntza, enpresa kudeaketako alderdi ekonomikoetan, fiskaletan, juridikoetan, laboraletan, kontabilitatekoetan…
Aipatu ere, ekintzaileek abantaila horiez gozatu ahal izateko, lehendabizi ezinbesteko baldintza izango da Tolosa Garatzenekin batera egindako Bideragarritasun Plan bat aurkeztea. Izan ere, hasteko, Tolosaldea Garatzeneko ekintzailetza sailetik aztertu beharko da ea proiektua bideragarria den edo ez, eta ondoren martxan jartzeko laguntza eta bideak eskaini. Agertutako hitzarmena datorren urte amaierara arte egongo da indarrean, hau da, 2015eko abendura arte.