Programa honen bitartez diru laguntzak emango zaizkie enpresei, baina horretarako hainbat baldintza bete behar dituzte eskatzaileek. Horien artean, ezinbestekoa da, enpresak nazioartekotze plan bat egitea. Bertan azaldu beharko dira, besteak beste, enpresaren ibilbidea, esperientzia, hautatutako herrialdea, egutegia eta baliabideak.
Programa honen bitartez finantzatuko dira banakako proiektuak nahiz lankidetzan enpresek eginak. Itzuli behar ez den diru laguntza da Global Lehianekoa eta programa honek ondorengo ekimenetan laguntzen ditu enpresak: Nazioartekotze Plan bat egiten, edota nazioartekotzearekin zerikusia duten gastuak finantzatzen, adibidez, bidaiak, azoketan parte hartzea edota azokak bisitatzea, sustapen-materiala, edota atzerrian ordezkaritzak irekitzea, edota nazioartekotzean espezialista diren teknikoak kontratatzea.
Argibide gehiagotarako edota tramitazioan laguntza behar izanez gero jarri harremanetan Tolosaldea Garatzeneko enpresa saileko arduradunekin, 943 654 501 telefono zenbakira deituta edota lehiberri@lehiberri.net helbide elektronikora mezu bat bidalita.