Larunbatean hiru puntuak lortzeko beste aukera bat zuen talde tolosarrak. Aurreko larunbateko sentsazio txarrak alde batera uzteko asmoz, ostegunean PCR probak egin, ondoren entrenatu, eta larunbatean kantxara salto egin zuten gure jokalariek berriro ere.
Lehen zatia oso gogorra izan zen. Bi taldeek erritmo oso bizia plazaratu zuten hasieratik. Bastidarrak joko zuzena ezarri zuten hasieratik. Tolosarrak aurreko asteetan baino indartsuago atera ziren kantxara. Esan bezala, lehenengo minutuetan bi taldeen erritmoa antzekoa izan bazen ere, bastidarrak aurreratu ziren markagailuan area ertzetik falta bat sareetara bidaliz. Tolosarren erantzuna ezin hobea izan zen gola jasotzean. Hurrengo jokaldian zehazki, 1-1koa lortu zuten Kakiren eskutik.
Gauzak horrela, lehen zatia 1-1koarekin amaitu zen. Atsedenaldian deskantsatu, indarrak hartu, eta mutilak gogotsu atera ziren kantxara berriro ere. Gauzak ez ziren uste bezain ondo atera ordea. Bastidarrek 1-2koa lortu zuten berriro ere faltaz. Partidua amaitzeko 6 minutu faltan, etxekoek 5eko jokoa atera zuten partiduaren emaitza aldatzeko asmoz. Baloia pazientziaz mugitu bazen ere, ez zuten minik egitea lortu eta aldaratze batean Bastidako taldeak 1-3koa lortu zuen.
Emaitza gogorra tolosarrentzat, gehienbat, partiduko sentsazioak ez direlako emaitzan islatu daitezkeenak. Aste honetan, berriro testak pasa, eta dena ondo badoa, Pasaiara egingo dugu bidaia. Aurrean Afantxo Pescados Ferreres talde gogorra izango dugu. Partidua, larunbatean, abenduaren 19an, 18:00tan izango da. Lana ondo egiten jarraituko du taldeak, helburuak pixkanaka lortzen joateko.
Eskerrak eman zuei mutilak, berriro ere, dena emateagatik kantxan, ez baita erraza dagoen egoerarekin. Klubari ere eskerrak eman nahi dizkiogu, federazioak 15 egunez behin egiteko PCR-ak eskaintzen dituenez bakarrik, beste partiduetarako testak erosteko esfortzua egin duelako, jokalariei ahalik eta segurtasun gehien emateko asmoz. Ez da erraza egoera honetan ematen dizkiguten laguntzekin astez aste aurrera jarraitzea, eta pixkanaka bada ere, lortzen ari gara!
#GOGOTOLOSALA
Hasierako 5ekoa:
Landa – Atezaina
Lakun – Atzelaria
Anta – Hegalekoa
Yarza – Hegalekoa
Kaki - Pibota
Partiduko jokalariak:
Mikel Landa
Mikel Alonso ©
Martin Lakunza
Iñaki Ongay
Imanol Anta
Asier Yarza
Jon Gallurralde
Ion Euxebi Hidalgo
Ioritz Otamendi
Antton Garro