Arerioa, Sondikatik etorritako hegalariak. Horrela, lehenengo zatia paretsu izan zen eta jokaldi batean kanpotarrak egin zuten 0-1ekoa. Tolosarrak, azkenaldian ikusten ari den bezala, ez zuten amore eman eta Euzebiren bakarkako jokaldi zoragarri baten ondoren banakoa lortu zuten.
Atsedenaldiaren ondoren, tolosarrak partiduaren bila atera ziren, presio lan bikaina burutuz. Horrela, Kakik lapurtutako baloi batean, Anton-Cassanorekin konektatu eta pibotaje lan bikaina eginez honi itzuli eta sareetara bidali zuen 2-1ekoa. Sondikatarrak azkeneko momentuetan atezain jokalariarekin saiatu ziren baina tolosarrak ederki defenditu zuten Landa andaluzaren atea.
Datorren astean euskal kopa izango dute Korta Mariren mutilek. 2b mailako Otxartabe jasoko dute Uzturpen, larunbatean 16:30ean. Goyako arkumea zozkatuko da.
#gogoiurre#