Gabonen ondoren, Iurre taldeak gogor ekin dio 2019 urte hasierari. Lehenengo itzulia ondo hasi arren, abenduko emaitzak oso kaxkarrak izan ziren. Taldeak bi fitxaketa berri egin ditu bigarren itzulian egoera hobetzeko asmoz. Jon Lopetegik eta Beñat Izagirrek taldearen helburua lortzen lagunduko dute denboraldiko bigarren zati honetan.
Larunbat honetan, urtarrilaren 12an, 17:30ean taldeak Arrasaten 3. postuan dagoen Mondrate C.D. taldearen aurka jokatuko du. Motibazio handiz begiratzen dio taldeak partidari, goiko postuei eusteko aukera ezin hobea bihurtu daitekeelako larunbateko partida.
Azkeneko asteetan gogor lan egiten ari dira gazteak, eta seguru emaitzak iritsiko direla. Larunbaten irabaztera, eta bitartean; lana, lana eta lana!
#GOGOIURRE
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
