Ekainaren 2an Euskal Herrian Kantuz jaia ospatuko da Iruñean. Bertara joateko autobusa antolatu du Tolosa Kantarik.
Autobusa 08:30ean irtengo da Zezen Plazatik, eta bazkalostean itzuliko da. Bidaia eta bazkariaren prezioa 35€koa da. Txartelak dagoeneko salgai daude, Xirimiri Tabernan, maiatzaren 26ra arte. Hori izango da izena emateko azken eguna. Lekua ere mugatua izango da: 65 eserleku.
Tolosa Kantarik dei egin dio parte hartu nahi duen orori, lepoko zapia hartuta azaldu dadin egun ederra pasatzera.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
