Igandean, hilaren 12an, I. Goierri Kantuz eguna antolatu dute eskualde bizilaguneko kantuzaleek. Aurten Beasainen ospatuko da. Goierriko kantuzaleei dei berezia egiten bazaie ere bertara joateko, ez da ekimen itxia eta beste eskualdetako kantuzaleei irekita egongo da.
Goizean kantujira egingo da Beasaingo kaleetatik; eta gero, herri bazkaria pilotalekuan. Ondoren, jaialdi berezi bat prestatzen ari dira, aspaldiko kantari ezagunak parte hartzearekin. Guztien artean, ezagunak diren euskal kantuak abestuko dira.