Tolosa Kantarik txangoa antolatu du Zarautzera datorren irailaren 13arako. Zarautz Kantuan, euskal kantu-jiran parte hartzea da irteeraren xedea.
Autobus txartelak Xirimiri txokolategian hartu behar dira (Errementari kalean), 20 euroren truke, eta autobuseko eserlekuak betetzerainoko plaza kopurua izango da.
Autobusa 09:00etan aterako da Zezen Plazatik; eta goizeko 10,30ean gosaria antolatuko da Zarautzen. Ondoren, 12:00etan, kantu-jirari ekingo zaio, zarauztarrekin batera, herriko alde zaharrean. Bazkaria, 14:30ean, Zarauzko elkarte batean egingo da (norberak etxetik eramandako jatekoekin).
Interesatuta egonez gero, autobus txartela ahal bezain azkarren hartzea gomendatzen dugu.
Irteera irailaren 13an izango da, eta goizetik bazkalostera arteko egitaraua antolatu du
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!