Herria Ekinez dinamika, gure herrian inposatuak eta arrotzak diren muga eta ikurren aurkako eta Euskal Herriaren aldeko ekimenez osatutako dinamika da. Herria Ekinez hitz jokoarekin, hitz bakoitzaren lehen letrekin EHri erreferentzia egiteaz gain, herriaren ekinbideaz herria osatuko dugunaren ideia zabaldu nahi dugu. Horretarako inposatu zaizkigun muga, ikur, hizkuntza hautsi eta gure herriarenak zabalduko ditugu, gure herria egunez egun eraikiz.
Guk, egin dugu gure hautua; Gu bagoaz! Ez dugu inolako zapalkuntzarik onartuko, guk gure bideari ekin diogu eta gure erabaki propioak hartu eta gauzatzera goaz.
Eguneroko eraikitze lanarekin eta desobedientziarekin soilik lortuko dugu Euskal Herria eta herritarrak geure buruaren jabe izatea. Eguneroko lan honetan, gurekin bat egitera eta borrokara batzeko deia luzatu nahi dizuegu! Abenduak 13 igandea arratsaldeko 5tan Tolosako kultur etxean Herria Ekinez dinamika aurkezteko egongo den batzar irekian parte hartuz.
Euskal Herri aske batean bizi nahi dugu, herri eta gazte gisa kateatzen gaituzten bi Estatuekin hautsiz. Desobedientziaz eta antolakuntzaz lortuko dugu!