Beroketan ez ginen batere ondo hasi, baina Aritzek eta gainerako staff-eko kideek animatuz, egoerari buelta eman eta ongi sartu ginen partidan.
Partida hasi zen eta oso ongi hasi ginen, gu beraiei erasotzen eta beraiek atzean sartuta. Horrela, 15. minutuan Garazi Alkainek area kanpotik jaurti eta gol itzela sartu zuen. Horrek taldeari abantaila itzela eman zion eta emaitza hori mantenduta heldu zen atsedenaldia. Hor, Aritzen hitzaldia entzun eta berriz ere irten ginen dena emateko asmoz. Beraiek ere baloi geldi batzuetan aukera itzelak eduki zituzten, adibidez bat Irene Etxaburuak atera behar izan zuena bere bularra erabiliz, hori ere ikusgarria izanik.
0-1 amaitu zen partida, eta denon poztasuna itzela zen. Aldagelara sartu, ospatu, argazkia atera, dutxatu, eta etxera buelta egin genuen guztiok batera. Gainera, askoren lehen aldia ere izan zen gurekin jokatzen; debuta egin zuten, esaterako, Aines Txabarriak, Naroa Beobidek eta Itziar Martinek. Aurrera begira jarraitzen dugu, aupa Tolosa!