Hala ere, hasieratik argi geneukan borrokan oinarritutako partida izango zela, eta Aritz eta Izaroren aholkuak entzun eta gero, taldea prest atera zen zelaira.
Lehen zatian partida oso parekatua izan zen. Bi taldeek intentsitate handiz jokatu genuen, aukera gutxiko neurketa batean, zelaiaren baldintzek erritmoa markatzen baitzuten. Baloiaren jabetza lehiatua izan zen, eta atsedenaldira
markagailua hutsean zela iritsi ginen.
Bigarren zatia hasi bezain pronto, Añorga aurreratu zen markagailuan, eta horrek egoera zaildu zuen. Hala ere, taldeak ez zuen amore eman. Minutuak aurrera joan ahala, borroka, esfortzua eta talde-lana nagusitu ziren, eta azken unera arte sinesten jarraitu genuen.
Saria azken hamar minutuetan iritsi zen: penalti baten bidez berdinketa lortu genuen (1-1); merezitako gola eta egindako lanaren isla. Azken txanpan garaipena bilatu bagenuen ere, markagailua ez zen gehiago mugitu.
Horrela amaitu zen lehen itzuliko azken partida, puntu baliotsu batekin eta harrotasunez betetako sentsazioekin, erraza ez den zelai batean egindako lanagatik. Aurrera begira, bigarren itzulia indarrez ekiteko prest gaude.
Aupa Tolosa!