Partida ezin hobeto hasi zen. Garaziren bolea eder baten ondorioz iritsi zen gure lehenengo gola 3. minutuan. Elorrio ez zen behera etorri eta estutu egin gintuen. Zenbait aldaketa taktiko egin eta area ertzeko falta batean Nahiak egindako geldiketa ikaragarri bati esker, emaitza atsedenaldira arte mantentzea lortu genuen.
Bigarren zatian gogotsu atera ginen. Bagenekien beste gol bat behar genuela eta lan handia egin beharko genuela horretarako. Hala, Loreren asistentzia bikain bati esker, Helenek bigarrena sartu zuen, oraingoan eskuinarekin –agian ez da pentsatzen genuen bezain ezkerra–. Hortik aurrera, borrokatzea, korrika egitea eta elkarrekin defendatzea tokatu zitzaigun.
Gure bosgarren garaipena da jarraian. Konfiantza handia dugu gugan eta gehiago nahi dugu. Datorren asteburuan Gasteizen jokatuko den partida garrantzitsua dugu aurretik. Ziur nago taldeak astean zehar dena emango duela 3 puntuak Tolosara ekartzeko.
Gora neskak!