Argi genuen partida gogorra izango zela: MarinĚo taldearen aurka jokatzen genuen, eta aurten igo badira ere, liga hasiera ona izan dutela ikusi dugu. Gogo eta indar guztiekin irten ginen zelaira. Lehen zatiaren hasieran, sufritzea tokatu zitzaigun; beroa aurka izanda, momentu txar batzuk pasatu genituen. Hala ere, lehen zatia amaitu baino lehen Kattalinen gola iritsi zen, eta beste biak jarraian etorri ziren Kattalin eta Heleneren eskutik.
Atsedenaldira hiru eta hutseko markagailuarekin joan ginen, lasaitasun puntu batekin, baina oraindik lan handia genuen aurretik. Bigarren zatian, erritmoa mantendu eta aukerak sortzen jarraitu genuen, eta halako batean Amaiurrek laugarren eta partidako azken gola sartu zuen. 4-0eko emaitzarekin amaitu zen norgehiagoka eta hiru puntuak etxean geratzea lortu genuen. Garaipen honek taldea sailkapenaren goiko postuetan kokatzen du eta bolada polit honekin jarraitzea espero dugu.
Hau guztia ondo ospatzeko, guztiok batera afaltzera joan ginen. Datorren astean atsedenaldia dugu, baina ondoren datorren erronka etxetik kanpo izango da, Bizkerreren aurka. Tolosara beste hiru puntu eramateko gogoz gaude.