16:30ean Añorgako zelaian elkartu ginen partida jokatzeko, normalean baino gogo gehiagorekin derbia izanda. Hasieratik bagenekien partida zailenetako bat jokatzea egokitzen zitzaigula, bai zelaiarengatik bai eta jokalariengatik ere. Hala ere, partidari hasiera bikaina eman genion, zelai txiki horretan ahal genuena eginez. Nahiz eta beraiek pare bat aukera izan zituzten gola sartzeko, atsedenaldira iritsi baino lehen Añorgaren aurretik jartzea lortu genuen, lan handia egin ondoren merezitako golarekin.
Bigarren zatian, Tolosak lan bikaina egin arren Añorgaren nagusitasuna nabaritu zen. Minutuak igaro ahala Añorgaren lehenengo gola iritsi zen falta baten bidez. Handik gutxira bigarren gola sartzea lortu zuten, berriro ere baloi geldiko jokaldi baten bitartez, kasu honetan korner batetik. Partidaren bukaerara arte Tolosako jokalariek dena eman genuen arren, emaitza aldatzeko aukera argirik ez genuen izan.
Galdutako hiru puntu hauek oso garrantzitsuak ziren sailkapenean gora egiteko, hala ere harro joan ginen etxera zelaian dena eman ondoren. Hurrengo astean, Racing de Santander taldearen aurka jokatzea tokatzen zaigu etxean. Nahiz eta sailkapenean azkeneko taldea izan, ziur nago ez garela lasaituko eta hiru puntuak irabaztea lortuko dugula.
Goazen Tolosa!
Aurreko astean hiru puntu garrantzitsu lortu ondoren, Añorgara gogotsu abiatu ginen garaipenaren bila.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!