Burgosen aurka ezin berdinketatik pasa

Burgosen aurka zen partida eta Aritzek, gure entrenatzaileak, esan bezala urte guztian eduki dugun partida zailenetako bat izango zen.

Esan bezala larunbata iritsi zen, eta gure ohiko orduan elkartu eta denak batera bilduz aldageletara sartu ginen. Azkenaldian, taldekide ugarik lesio eta muskularki arazoak edukitzen ari direnez, Lander fisioak lan handia izan zuen aste guztian zehar. Honen harira askok jantzi eta fisioarenetik pasa behar izan zuten.

Ondoren, Aritzen azalpenak entzun eta partida hasi zen. Lehenengo zatiari dagokionez, gogotsu atera ginen. Bi taldeek gogor jokatu genuen eta nahiko parekatua izan zen. Hainbat aukera izan genituen, baina halako batean, Tolosaren gola iritsi zen. Oihanak Ainarari pase on bat emanez, honek izugarrizko gola sartu zuen! Minutu batzuen ondoren Burgosek partida berdindu zuen.

Atsedena iritsi zen, eta berriz ere, Aritzen azalpenak entzun eta bigarren zatia hasi zen. Golik gabeko zatia izan genuen, baina markagailuan aurretik jartzeko aukera askokoa. Azkeneko minutuetan Norak gola sartu zuen baina arbitroak ez zuen baliozkotzat jo. Arbitroak partida amaitutzat eman zuen eta beste puntu bat gehitzen dugu aurtengo denboraldian.

Bestalde, Eneritzek lehenengo zatian zelaia utzi behar izan zuen belaunean sentitutako minaren ondorioz. Espero dezagun dena susto batean geratzea!

Nahiz eta partida asko joan emaitza berdinak izaten, ziur nago lanean gogor jarraituz garaipena iritsiko dela.

Aupa Tolosa!