Larunbateko 19:15ean elkartu ginen Mutilvera eta Tolosako taldeak partida jokatzeko. Entrenatzailearen hitzaldia entzun eta hamaikakoa berotzera atera zen. Partida hasi bezain laster Tolosako taldea jokoa menperatzen hasi zen, Kattalinen areaz kanpoko golarekin 6. minutuan. Partida aurrera zihoan heinean, bi taldeen arteko lehia nabarmena zen, baina 40. minutuan bigarren gola etorri zen Elenak kornerretik egindako jaurtiketa baten ondorioz.
Bigarren zatia lehenengoaren modu antzekoan hasi genuen; hala ere, hasieran ez bezala, ez zen golik egon. Borrokan jarraitu genuen bukaerara arte, baina Mutilvera taldea ez bezala, guk lasaitasun handiagoa genuen; izan ere, 2-0 gindoazen.
Hurrengo astean partidarik ez dugula jakinda, afari batekin ospatu genuen garaipena, hurrengo astea berriz ere indarberrituta hasteko. Animo neskak!
Aurreko astean puntua irabazi gabe etxera joan eta gero, gogotsu jaso genuen Mutilvera taldea Usabalen, garaipenaren hiru puntuak lortzeko asmoz.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!