Bidaiaren lehen hiru orduak deskantsatzeko aprobetxatu genituen gehientsuenok eta 12:30ean Tordesillasen gelditu ginen bazkaltzeko. Tripak bete eta berriro ere bidaiari ekin genion, oraindik ordubete gelditzen baitzen Vicente del Bosque futbol zelaira iristeko.
14:30ak aldera heldu ginen eta taldekide batzuk kafe eta mantzanillak hartu ondoren, aldageletara sartu ginen. Ondoren, prestatu, entrenatzailearen hizketaldia entzun eta hamaikakoa berotzera irten zen.
Partidari dagokionez, lehen zatian gogotsu irten ginen eta aukera asko izan arren, ezin izan genuen golik sartu eta atsedenaldira 0-0 joan ginen. Atsedenaldian fruta jan eta hizketaldia entzun ondoren, bigarren zatira gogotsu irten ginen.
Aurreko zatiarekin alderatuta, oraingoan aukera gutxiago izan genituen eta defentsan gehiago sufritu genuen, baina markagailuak berdin jarraitzen zuen. 75. minutuan, ordea, aurkariak area kanpoko jaurtiketa baten ondorioz gola sartzea lortu zuten. Eta nahiz eta azken minutuetan asko saiatu, ez genuen lortu aldaketarik markagailuan.
Tolosara bueltan, Realaren partida ikusiz afaldu genuen autobusean eta 23:30ak aldera iritsi ginen Tolosara egun luze baten ondoren. Nahiz eta ez lortu garaipena, hurrengo partidari begira gaude jada eta gogo handiz jarraituko dugu lanean.
Animo neskak!