Igandean, goizeko hamarretan Tolosatik abiatu ginen, Ordiziako eta Beasaingo hainbat jokalari bidean hartuz. Berehala iritsi ginen Eibarrera, baina zelaira iristeko konplikazio batzuk izan genituen herri aldapatsuan, buelta dezente eman ondoren Unberako bidea asmatuz.
Gogo biziz partidarako jantzi laranja jarri eta titularrak berotzera atera ziren, kontzentratuta. Lehenengo zatian gol aukeraren bat izan genuen, baita beraiek ere, hainbat erdiratze ipiniz. Zorionez gure defentsak lan paregabea egin zuen eta markagailua hutsean zegoela joan ginen atsedenaldira.
Bigarren zatia, berriz, mugituagoa izan zen markagailuaren aldetik. 57. minutuan gure taldeko Leyre aurrelariak goleko aukera izan zuen, eta baita sartu ere! Gogor lehiatzen jarraitu genuen, baina partida amaitzeko 10 minutu falta zirenean aurkariak falta baten bidez berdinketa lortu zuen. Ligako liderraren aurka konfiantzaz eta ausardiaz borrokatuz gu beste hainbeste garela demostratu genuen.
Hau da bidea neskak!
Aurreko asteko garaipena gogoan, indartsu abiatu ginen aurkariaren etxera. Aurreko astean aspaldi bila genbiltzan 3 puntuak etxeratu genituen eta aste honetan ere hala izatea nahi genuen. Eibar taldearen aurka genuen, aurkari indartsua, baita gu ere.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!