Beroketan haizeak nondik jotzen zuen asmatu nahian aritu ginen zelaia aukeratzeko, baina ez ginen gai izan. Baloia lurretik altxa orduko hegan egiten zuela zirudien, baina ez zen aitzakia, bi taldeentzat berdinak ziren baldintzak.
Partida hasi eta lehenengo kolpea 13. minutuan jaso genuen, Sarak sorbaldan min hartu eta ospitalera eraman behar izan zuten talka eta eroriko txar baten ondorioz, hobe luke berak ere hegan egingo balu. Aldaketa azkar bat egin eta partidan sartzea lortu bagenuen ere, ez genuen kontrolpean izatea lortu eta jabe nagusirik gabe ibili zen baloia firin-faran partidan zehar. Neurketak golik gabe amaitzeko itxura osoa zuenean, gorrien area kanpoko jaurtiketa batek haize bolada on bat harrapatu eta gure ate barrura sartzea lortu zuen 90. minutuan; 1-0 eta partida amaiera.
Taldearen aste barruko dinamika ona asteburuan islatu ez zen arren, ziur nago hurrengo partidetan nabarituko dela. Horretarako aukera paregabea dugu datorren igandean, Bizkerre jasoko baitugu etxean 12:00etan.
Jarrai dezagun lanean!
Burgosen aurkako porrota parentesi txiki bat kontsideratu nahian hiru puntuen bila joan ginen Taxoarera, Osasuna talde gazteari aurre egiteko asmotan.
Larunbateko eguerdiko ordubatean partida, ordu xelebrea. Xelebreak ere taldekideon gosariak, batzuk makarroiak gosalduta azaldu baitziren 10:30erako Usabalera. Autobusean sartu, goierritarrak bidean jaso eta hamabiak baino lehen iritsi ginen Iruñera. Justu baina autobusetik aldageletara iristea lortu genuen haizeak gu hegan eraman gabe.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!