Lehen birako balantzea txarra zen, kategoriaz jaisteko postuetan geunden, eta gainera inguruko talde zein pertsona askok hiltzat jo gintuzten. Momentu horretan taldearekin bildu eta egoera horri aurre egiteko irtenbide desberdinak jarri genituen mahai gainean. Beraz, aulkian futbola beste modu desberdin batean ikusten zuen pertsona bat behar genuela ondorioztatu eta honen bila hasi ginen.
Bilaketa zail eta luze baten ondoren, Raulekin jo genuen, berarekin elkartu eta energia ona zein positiboa transmititzeaz gain, taldea gidatzeko prest zegoela jakinarazi zigun egun gutxira. Ander, klubeko entrenatzaileetako bat, Rauli laguntzeko prest aurkeztu zen, eta hau dupla bikaina!
Raulek gidatutako lehen partidan garaipena lortu zuen taldeak eta gure neskei helburu batengatik borrokatzeko ilusioa berpiztu zitzaien. Pixkana elkar ezagutu eta lan dinamika berri batean murgiltzen hasi ziren jokalari zein entrenatzaileak.
Helburua ere aldatu zen baina argi genuen postu horietatik ateratzea zaila izango zela baina ez ezinezkoa; beraz, lanari ekin zioten amorerik eman gabe. Bigarren bira askoz positiboagoa izan dela esan dezakegu, izan ere, bi jardunaldi faltan taldeak 1. Nazionaleko Mailan mantentzea lortu du.
Zuen borrokak merezi izan du neskak, zorionak! Orain azken bi jardunaldi hauen bila denboraldi amaiera biribiltzeko.
Ilusio handiko proiektu polit batekin hasi genuen denboraldia. Lehen partidak ez ziren gaizki joan, baina jardunaldiak aurrera pasa ahala gauzak okertzen hasi ziren. Emaitzak okerrera joan ziren, eta hori gutxi ez balitz, epe luzeko lesionatu asko izan genituen taldean. Aurreikusita genuen denboraldi zoragarri hori pixkana iluntzen joan zen eta geroz eta aldapatsuagoa bihurtu zen.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!