Jarrera on bati esker, eta berreskuratutako konfiantzaz lortu dugun guztia mantentzeko asmoarekin hasi genuen partida. Berriz ere, minutu gutxi behar izan genituen lehenengo gola egiteko. Hau, Eneritz Itxasoren eskutik heldu zen korner baten atarian, 13. minutuan. Abantaila eta joko on bati esker, aukera gehiago sortu eta partida kontrolpean edukitzeko gai izan ginen.
Bigarren zatian, gogotsu eta jarrera on bat mantenduz, lehenengo zatian bezala, baloiaren jabetza eduki genuen eta honen ondorioz, bost minuturen barruan beste bi gol egitea lortu genuen (Kattalin 47' eta Jone 50'). Hemendik aurrera, intentsitatea jaitsi gabe eta defentsiboki ondo antolatuta, gure atea hutsean mantentzeaz gain, 63. minutuan Zuriñeren eta 69. minutuan Joneren golak heldu ziren, markagailua 0-5 utziz partida biribil bati amaiera emateko.
Geroz eta gertuago dugu gure helburua, eskura hain urruti ikusten zen saria. Akaso, asteburu honetan Usabalen jokatuko dugun partidan lor genezake.
Dinamika on bati segida emateko asmoarekin heldu ginen Logroñora.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!