Aldagelako urduritasuna nabaria zen, baina jokatzera irten eta partidari aurre egiteko gogo handia ere bazegoen. Eta hala izan zen: lehen zatian talde gisa jokatzeko modua aurkitu genuen, kontrakoek lehen gola sartzeko asmoarekin bilatzen zituzten hutsune guztiak ixten. Eta, behin edo behin gure defentsa haustea lortu bazuten ere, guztion artean markagailua 0-0 mantentzea lortu genuen atsedenaldira arte. Bigarren zatian ere intentsitate berarekin jarraitu genuen, gure artean lagunduz eta partida berdinketarekin amaituz. Horrelako partida bat puntu batekin amaitzea talde-lan on baten emaitza da, eta horregatik esan dezakegu gure helburua betetzea lortu genuela.
Orain lanean jarraitzeko eta hurrengo partidan pentsatzeko unea da! Aupa neskak!
Larunbat honetan denok argi geneukan partida zail bati aurre egin behar geniola, non inoiz baino gehiago talde gisa jokatu behar genuen.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!