Eguraldi bikaina lagun, 14:30ean abiatu ginen Leioarantz. Beroketa egiten hasi bezain laster sekulako euri zaparrada hasi zuen eta giroa zertxobait freskaturik, partidari ekin genion.
Nahiz eta aurrean genuen taldea maila bat baxuagokoa izan, ezin genuen lasaiegi irten futbol zelaira, kopako formatu honetan partida irabazten duenak jarraitzen baitu aurrera. Eta bikain lortu genuen partida hastea: bigarren minutuan Naiarak sekulako gola sartu zuen, atezaina aurreraturik zegoela baliatuz. Bigarren golean ere egoera antzekoa aprobetxatu zuen Izarok eta atsedenaldira 2-0 joan ginen.
Bigarren zatian, Ainhoaren gola lehenik, Andrearena jarraian eta amaitzeko Teresaren golarekin partidua ixtea lortu genuen. Garaipen honekin, konfiantzaz gainezka, kopan aurrera egiteko ahalegin guztiak egingo ditugu. Ea kopa etxera ekartzen dugun. Aupa neskak!
Ligako denboraldia amaitu ondorengo atsedena amaitu zitzaien neskei eta larunbatean euskal kopari ekin behar zitzaion.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!