Igandea, goizeko 11:30ak, eguzkiaren berotasuna… baina gogoz hasi genuen partida. Lehen minutuan sortu zituen talde aurkariak lehen bi aukerak eta bigarren horretan etorri zen beraien lehen gola. Lehen zati borrokatu baten ostean, amaitzear zegoela sartu ziguten bigarren gola eta huts eta bikoarekin sartu ginen aldageletara.
Bigarren zatia ere lehenengoaren errotik joan zen. Saiakerak saiakera eta esfortzuak esfortzu, ez genuen gure baloiak euren sarean sartzerik lortu. Beraiek sartutako beste bi golekin amaitu ziren 90 minutuak.
Ligari amaiera ematen ari garen honetan, hemendik bi astetara jokatuko dugu azken partida: etxetik kanpo, Bizkerreren aurka. Baina ziur zapore gozoz emango diogula amaiera orain arte egindako lanari.
Aupa neskak!
Ohartzerako liga amaitzen ari da eta azken aldapa hau ez da oso laua izaten ari. Azken asteburu honetan ere, Bilbotik etorritako Athletic izan genuen aurkari.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!