Bagenekien ez zela partida erraza izango. Lehenengo itzulian berdinketarekin amaitu genuen norgehiagoka, baina oraingoan, garaipena eraman nahi genuen Tolosara.
Lehenengo zatian markagailua gure alde amaitu zen, baina bigarren zatia hasi orduko berdintzea lortu zuten. Guk, ordea, ondo erantzun eta bi gol sartu genizkien bata bestearen atzetik, markagailuan 1-3 utziz.
Partida ia amaitzear zegoenean bigarren gola sartzea lortu zuten, baina ez zen nahikoa izan gure aurretik jartzeko, eta hiru puntuak Tolosara ekarri genituen.
Hurrengo partida Tolosarrentzat hain garrantzitsua den Zaldunita bezperan jokatuko dugu Berazubin, Aurrera de Vitoria taldearen aurka. Puntuak etxean geratzeko eta bolada on honekin jarraitzeko asmoarekin. Animo neskak!