Aulkitik

Lana eta lana

Erabiltzailearen aurpegia

Aurreko asteko garaipenari esker, sentsazio onekin ekin genion asteari. Aste berri bat, partida berri bat, Santanderko Racing B zen gure hurrengo aurkaria.

Larunbat arratsaldea iritsi eta oraindik eguna argi zegoela hasi zen partida. Lehen zatia nahiko parekatua izan zen, beraiek aukerak izan zituzten baina markagailuari eutsi genion atsedenaldira iritsi arte. Oraindik bigarren zatia genuen aurretik, gure aukerak sortu eta golak sartzea lortu ahal izateko.

Zoritxarrez, 57. minutuan beraien lehen gola iritsi zen. Nahiz eta markagailuan atzetik joan, gure jokatzeko erari eutsi genion aukera ezberdinak sortuz, baina ez zen posible izan gola sartzea... Minutu batzuk igaro ondoren beraien bigarren gola iritsi zen 74. minutuan eta partida 0-2ko markagailuarekin amaitu zen.

Partida irabazi ez badugu ere, sentsazio onak ditugu taldean; izan ere, joko ona egiten ari gara eta iritsiko da berriz ere garaipena. Asteburu honetan Tajonar-eko zelaia bisitatuko dugu, Osasuna B aurkari izanda. Egurra ekipo!

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!