Astean zehar gogotsu entrenatu ondoren, ilusio handiz hartu genuen Castejonen aurkako partida. Bagenekien partida garrantzitsua zela eta hiru puntuak lortu behar genituela, sailkapenean aurrerapauso bat emateko. Ziur geunden partida zaila izango zela eta dena eman behar genuela emaitza positiboa lortzeko.
Partidari dagokionez, ezin izan genuen punturik lortu. Lehen zatian, partida hasi eta berehala beraiek markagailuan aurretik jartzea lortu zuten. Minutu batzuk pasa ondoren, korner batetik iritsi zen Aioraren gola, berdinketa lortzeko. Zoritxarrez, atsedenaldia baino lehen, beraiek berriz ere markagailuan aurreratzea lortu zuten. Bigarren zatiari emaitzari buelta eman nahian ekin genion, baina ez zen guk uste bezala joan eta ezin izan genuen partida aurrera atera.
Falta zaizkigun zortzi partidak garrantzitsuak direla jakinda, garbi dago, lanean jarraitu behar dugula, gure helburua lortzeko.
Hurrengo partida igande arratsaldean daukagu Berriozarren aurka. Aurreko asteetako dinamikari jarraituz, ziur nago, gauzak ondo eginez gero hiru puntuak etxera ekarriko ditugula.
Goazen neskak!
Ez zen izan nahikoa taldearen esfortzu handia, hiru puntuak etxean geratzeko.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!