Norgehiagoken bigarren birari hasiera emateko, aste honetan Reala genuen zuzeneko aurkaria, Zubietako zelaian. Bagenekien ez zela partida erraza izango, Reala gure ligan buru doan taldea baita. Hala ere, guk, tolosarrok, horrelako aurkarien parean gure nortasuna zein den eta egunez egun aberasten doan talde hau, goazen tokira goazela zer egiteko gai garen erakustea dugu helburutzat, izan zelai barnean zein kanpoan.
Partidari dagokionez, ezin izan genituen 3 puntuak Tolosara ekarri. Lehen zatian markagailuan ez zen aldaketarik izan, taldea oso sendo eta indartsu atera zen eta aurkariak ez zuen aukera garbirik izan. Aldiz, bigarren zatian gauzak ez ziren uste bezain ondo joan eta nahiz eta ahaleginak egin, azkenean garaipena Zubietan geratu zen.
Orain asteburuan dugu begirada, Arratia aurkari dugun norgehiagokan hain zuzen ere. Inoiz baino gogotsuago eta indartsuago gaude partida honetan tolosarrok zer egiteko gai garen erakusteko, eta oraingo honetan bai, 3 puntuak etxera ekartzeko.
Amaitzeko, aste honetan lehen aldiz gurekin partidua jokatu duen Intzari, orain bai ofizialki, ongi etorri! Bestalde, gure taldekide diren Izaro eta Lorenak belauneko lesioa dela eta, aste gogorra dute aurretik, beraz talde osoaren partetik indar eta babes osoa bidaltzen dizkizuegu. Aupa neskak, zuekin gaude!