Horren ondorioz, Bizkerreren aurka genuen norgehiagoka astebete atzeratu behar izan genuen. Azpimarratu beharra dago, pribilegiatu batzuk garela, egoera dela eta, entrenatzen eta batez ere partidak jokatzen jarraitzeagatik.
Bizkerre gure ligan dagoen talde sendoenetariko bat da; beraien helburu nagusia mailaz igotzea da eta hori partida hasi zen lehenengo unetik atzeman zen, eta baita bukaerako emaitzan ere.
Hala ere, gure taldeak badu berezitasun bat, gure ligako beste taldeek ez dutena: nortasuna. Tolosako futbol taldean hazi eta hezi gara futbol jokalari eta pertsona bezala eta hori aintzat hartzeko zerbait dela uste dut. Gure arteko giro onari probetxua ateraz, geroz eta talde hobea gara, eta hori larunbateko partidan erakutsi nahi dugu. 16:30ean Aurrera de Vitoriaren aurka jokatuko dugu Berazubin. Nahiz eta harmailak hutsik egon, zuen babesa eskertuko genuke Berazubi inguratuz eta larunbat hotza zuen animoekin goxatuz.
Aupa Tolosa!