Aurtengoari bukaera eman diogu, Aurrera de Vitoriaren aurkako partiduarekin. Hurrengo urteari begira, polita izan da kalitatezko eta potentzial handiko horrelako taldeen aurka jokatuko dugula ikustea.
Denboraldi bukaerarekin ere, batzuen zikloak ixten dira. Eskerrik asko, bene-benetan, urte hauetan eman duzuen guztiagatik, zuek gabe ez zen berdina izango eta. Bestalde, animo asko Maddiri eta baita Oihanari ere, zuekin gaude! Zorionak harrobian lanean ari zareten guztiontzat ere, lehen esan bezala, lanaren ondorioak.
Orain, hurrengo denboraldia prestatzera. A, ez, lehenago oporrak (entrenatzaileei pixka bat geratzen zaie oraindik, kar, kar). Ni jada hasi nahiz oporrez disfrutatzen, eta espero dut jokalariak ere deskonektatu eta uda ona izatea. Eta jakin, nahiz eta partidetan asko sufritu eta nire haserrealdiak izan, asko disfrutatu dudala aurten. Zorionak ekipo! Hurrengo urtean gehiago!
Listo, bukatu da aurtengoa ere. Beste denboraldi bat, baina ez nolanahiko denboraldia. Orain dela urte batzuk zeinek esango ote zuen, hurrengo urtean biziko duguna bizitzeko aukerarik izango genuenik… Lanaren ondorioak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!