Asteburu honetan, Leioaren aurkako partida ez zen batere erraza izan, ez genuen gure partidurik onena egin. Nahiz eta markagailuan aurretik jartzeko zenbait aukera izan, bigarren zatiaren hasiera arte ez genuen gola sartu, Izaro Goenagaren eskutik markagailura igo zena. Bigarrena eta gure lasaitasunerako, Ainhoa Bengoetxeak sartu zuen partida bukatutzat emanik.
Bizi dugun egoera ere, gure familia, lagun eta harmailetara gerturatzen diren zale guztiei zor diegu, emandako animo eta indar guztiak ez direlako gutxi izan. Horren eredu, Maddi Garikanok, familia eta lagun guztien laguntzaz, indarrak emateko eginiko bideoa dugu eredu. Beraien hitzak ezinbestekoak izan baitziren azkeneko partidei aurre egiteko eta gurekin daudela berresteko.
Guregatik, baino, batez ere, beraiengatik, apirilak 28, igandea, 16:30ean Berazubin, Zarautzen aurka jokatuko dugun partida gurea izan behar du. Oso garrantzitsua da guretzat zuen presentzia harmailetan, partida aurrera ateratzeko. Bigarren maila jokoan, ilusioz beterik, ametsa denon artean egi bihurtzeko. Azken txanpan danok bat izan behar baikara!
Animo neskak, garaipena geure eskuetan dago!
![[AULKITIK] 3 punturen faltan](https://ataria.tok-md.com/argazkiak/YYa/Eneritz.jpeg)
Ametsa geroz eta gertuago, bigarren maila esku artean. Zer esan? Ekipoaz eta taldekideez oso harro, ez bakarrik azken partidarengatik baizik eta urte osoan zehar egindako lanagatik.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!