Entrenatzen den bezala jolasten dela diote, eta egia esan aste horretako entrenamenduek partidaren antza handia izan zuten. Aurreko asteetako bi porrotak inpotentzia puntu batekin utziarazi ziguten eta hori dela eta argi geneukan sentimendu hori nolabait ere zelaian atera behar genuela, eta halaxe izan zen.
Oso partida lehiatua izan zen baina azkenean merezitako hiru puntuak Tolosan geratu ziren. Lehenengo postuetara gerturatzeko balio izan digu garaipen honek, lehenengo postutik 6 puntutara (Bizkerre).
Inauterien ondoren Bizkerreren aurka jokatuko dugu Getxon, partida zaila. Baina lehenengo lehenengoa, aste honetako atsedenaldia izan da. A zer nolako atsedenaldia...
Bestalde Izarne Sarasola Espainiako 16 azpiko selekzioarekin deitua izan da Ingalaterran jokatuko den UEFA Sub16 lehiaketa jokatzeko. Zorionak Izarne!
![[Aulkitik] Lehenengo postuetara gerturatzeko garaipena](https://ataria.tok-md.com/argazkiak/jdA/IMANOL_CAVERO_TOLOSA_CF_EU.jpg)
Nahiz eta eguraldiak ez lagundu, egun aproposa zen dinamika txarretik ateratzeko. Lehenengo postuan zegoen Arratia zetorren Usabalera, aurreko urtean bigarren mailatik jaitsitakoak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!