15:30ean zen gure partida Pauldarraken aurka. Ordu polita ondoren arratsaldea aprobetxatzeko, besteentzat berriz, ez hain ona, gehiengoak etxean sartu eta azterketetarako ikasten jarri behar zutelako.
Partida hasi baino lehen taldekideen artean komentatu genuen eta ez genuen oso sentsazio onekin amaitu beroketa. Oso pisutsua izan zen partida, denok espero genuen gola baina 0-0 bukatu genuen, sentsazio okerragoekin alegia. Harmailetako gure jarraitzaileek ez zioten animatzeari uzten, hainbat aukera izan genituen eta partida aurrera aterako genuela sinesten genuen baina azkenean ezer ere ez. Emaitza honek, ikasteko, aurrera jarraitzeko eta borrokatzeko indar handiagoak eman dizkigu.
Geure burua dagoeneko hurrengo partidan pentsatzen ari da eta Añorgan gaur azalduko gara inoiz baino gose handiagoarekin hiru puntuen bila. Zaila bada, badago lortzea! Egurra neskak.
Gabon giroa atzean utzita, pastak, turroia eta bonboiak barne, Beasainera joan ginen urteari hasiera gozoa emateko baina alferrik, zelaia elurrez betea zegoenez ezin izan zen partida jokatu. Hainbat pilotada bota elkarri, argazki pare bat ere atera eta etxera egin genuen buelta.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!