Aurtengoan, orain bezala Aulkitik edo nola esan, Harmailetatik nire indar guztiak bidaltzea besterik ez zait geratu urteetan taldekideak izan direnei, ekipo gazte baina aldi berean handi den honen parte sentitzeko beste modu bat. Gorabeherak, lesioak, partida txarrak zein onak eta sentsazio gazi-gozoak bidelagun izan ditugun arren, beti ere indarrak bildu eta Aldapan gora, pausurik pausu kantua abestu ez ezik, baita aplikatuz ere azken aurreko norgehiagokan jadanik helburua lortua genuen, Euskal Ligan mantentzea alegia. Agerian dira urte guztiko jokalari bakoitzaren lanak, eta nola ez entrenatzaileenak, merezitako saria utzi duela Tolosan.
Larunbatean kopa, ezer galtzekorik ez genuela, saritzat eta denboraldiari amaiera emateko, bigarren mailako taldea den Añorga jaso genuen etxean. Erronka polita, izan ere irabaziz gero Lezama bisitatzeko aukera izango genuen. Nahiz eta kanpokoei sorpresatxoa emateko ilusioarekin zelairatu eta lehenengo zatian zehar fin ibili, Añorga nagusitu zen 0-3koarekin.
Ikusitakoak ikusita eta denboraldia gogoan, agian «Dagoeneko bukatu da?» galderarekin geratuko gara beste urte baten esperoan.
Nahiz eta taldekideak joan eta berriak etorri, Euskal Ligan jokatzeko aukera polita utzi diegu ondorengoei, emakumeon futbola hazten jarraitzeko izan dadila! Eta bide batez, mila esker bakoitzari Aulkitik bada ere taldean sentiarazteagatik.
Txapela kentzeko moduko urtea neskak!