EUSKAL LIGA: ARRATIA 2 - TOLOSA 1
GOLA: MADDI GARIKANO
Berriro ere Bizkaira bidaiatzea tokatu zaigu. Orain arte bertan jokatu genituen bi partidetan ez genuen punturik lortu eta oraingoan gure txanda zen. Sailkapenean atzeko postuetan geratzen ari gara eta bai edo bai irabazi beharreko partidua zen. Autobusean joaten garenean elkar motibatzen saiatzen gara, gaurkoan posible dela esanez eta giro ona sortuz. Horrela, Igorrera iristean, hiru puntuak eskuratzeko esperantzarekin jaitsi ginen autobusetik. Musika alaiaren melodiapean berotzen hasi ginen, baina partidurako bost minutu falta zirela, Mirari postura txarrean erori eta belaunean min hartu zuen. Hortaz, anbulantzian ondoko herriko anbulatoriora eraman zuten eta guk bitartean partidari ekin genion.
Egia esan, lehenengo zatian gehienbat partidua dominatua izan genuen, atzean intentsitatez jokatuz eta baloia gure jabetzan edukiz. Hala ere, aurrean aukera garbiren bat besterik ez genuen izan eta 0-0arekin joan ginen aldageletara. Bigarren zatian aurrekoan bezain indartsu hasi ginen, lehenengo minutuetan aukera oso argia izanez. Baina azken aldian gertatzen ari zaigun moduan, beraiek aukera bat izan eta gola sartu zuten. Nahiz eta taldea burumakur geratu, korner batean Maddi Garikanok buruz gola sartu zuen eta orduan hiru puntuak eskuratzea posible zela pentsatu genuen.Hala ere, 88.minutuan beraiek gola egitea lortu eta hiru puntuak etxeak geratu ziren.
Min handia eman digun porrota izan da, aurkaria baino hobeto jokatu arren, berriro ere punturik gabe itzuli baikara etxera. Entrenamenduetan egiten duguna partiduetan islatu behar dugu eta hori oraindik ez dugu erabat lortu. Lanean jarraitu behar dugu, gure jokoa bilatuz. Talde bikaina daukagu eta gorako postuetarantz joan beharra daukagu kosta ala kosta.
Hurrengo partida Hernanin kontra, BERAZUBIN larunbatean 16.30etan
JUBENILAK: ATSEDEN
KADETEAK: TOLOSA 1 – AÑORGA 0
GOLA: AINHOA GARIKANO
Asteburu honetan gure neskek bazekiten partidu gogorra izango zutela, borrokatzekoa, ligan lehenengo sailkatuaren aurka. Baina baloia zelaian jarri zen momentuan gogotsu hasi ziren, beti gogor eta horrela lehenengo zatira iritsi ziren 0-0 emaitza eutsiz .Añorgak bere aukerak izan zituen, hobeto jolastu zuen baina ez zuen asmatu.
2. Zatian arrisku gehiago sortu genuen, garaipenaren bila atera giñen eta kontraeraso batean Ainhoa Garikanok sartu zuen gola. Geratzen zen denboran Tolosarrek bazekiten zein zen bere lana, emaitza mantentzea eta sufrituz lortu zuten. 3 puntuak etxean geratu ziren.
Sekulako algara eta poza, jokalari, entrenatzaile, guraso eta zaletuen artean.
INFANTILAK:
TOLOSA A - EUSKALDUNA (EZ ZEN AURKEZTU)
Gaizki jokatzen hasi ginen baino 0-1 irabazten geoo gure akats batengatik 1-1 jarri ginan eta gero partidoa aurrea zijoan heinen hobetzen joan ginan pixkat gehio jokatzen baino ahala ere ez ginan guztiz ondo ibili
TOLOSA B 12 – INTXURRE 1
Lehen zatian gola sartzea kostatu zitzaien baina ondoren segidan etorri ziren
ALEBINAK: AIZKORRI 1 – TOLOSA A 7
HERNANI 4 – TOLOSA B 0
Ondo gure neskak, gero eta gehiago ikasten ari dira