Asteburu honetan, Gasteiz Cup futbol txapelketa jokatu da Gasteizen. Larunbatean, hiru taldek hartu zuten parte: alebin mailako bik eta infantil mailako beste batek. Alebinen lehen taldeak zilarrezko domina eskuratu zuen finalean penaltien txandan galdu ostean. Bigarren taldeak, berriz, kopako faseko garaikurra lortu zuen. Infantilak, berriz, ez ziren sailkatu txapeldunen fasera.
Igandean, berriz, kadete eta jubenilen txanda izan zen. Emaitzarik onena kadeteena izan zen, finalean 7-0 irabazi ostean, trofeoa etxera eramanez. Nerea Eizagirre, jokalariari, gainera, jokalari onenaren saria eman zioten. Jubenilek, berriz, Eibarren aurka galdu zuten finalaurrekoan, baina 3. postua irabazi zuten.
Orokorrean, asteburu ederra izan da, Euskal Herriko talde onenen aurka aritu baitira neskak.
