Aulkitik

Burua altxatu eta akatsetatik ikastea

Erabiltzailearen aurpegia Agurne Zubillaga 2020ko ots. 13a, 16:04

Ostirala, iluntzeko 21:15, Uzturpen. Gure aurretik entrenatzailearen partida, gu bitartean aldatzera. Hotza eta urduritasuna nabari da aldageletan, baja garrantzitsuak taldean eta partida zaila aurretik.

Aldatu eta berotzera, entrenatzaileak falta; ez al genituen bi? Bat lanean eta bestea partiduan. Entrenamenduetan ikasitakoa aplikatu behar, berotze protokoloa martxan da: gorputza berotu, tiro batzuk atera... eta guztiak bere posizioetara.

Lehenengo 20 minutuak eroso, partidak ez du hain itxura txarra! Eta jabetzerako lehenengo gola eta jarraian bigarrena. Taldekideak burumakur eta Laskoraingo aurkariak geroz eta indartsuago. Aurkariaren atera iritsi arren, nabari dira azken aldian huts egindako entrenamenduak.

Partidaren emaitzak etsita utzi beharrean, burua altxa eta akats hauetatik ikastea dagokigu orain. Inauteriak ahaztu eta Idiazabalen aurkako partida prestatu beharko?

Aupa Orixe!

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!