Aldageletara sartu, jokatzeko aldatu eta entrenatzaileekin batera, astean zehar entrenaturiko jokaldiak gogorarazi genituen beroketa lanetan hasi aurretik.
Lehen zatian joko aldetik berdintsu ibili ginen arren, azken minutuan Mirenek faltaz sartu zuen golari esker, markagailuan aurretik joan ginen atsedenaldira. Aurkaria hasieratik gogotsu hasi zen eta lan zaila jarri zigun markagailuan aurreratzeko ahaleginetan. Gol honek indar asko eman zion taldeari eta bigarren zatia indartsu hasi genuen. Bigarren zatia lehenengoa baina lasaiago hasi genuen, taldea erosoago sentitzen zen eta markagailuak gora egin zuen gure alde.
Azkenean, iritsi zen denbora luzez itxarondako garaipena, eta baita entrenatzaileek prestatuko diguten afaria ere, aupa Garri! Hurrengo astean, atsedenetik datorren Ordizia K.E.ren aurka jokatzen dugu, nahiz eta lehen sailkatua izan gogoz eta indartsu joango gara Majorira. Aupa neskak eta aupa Orixe!